JON PÅL INDERBERG TRIO

Om du vil serverast utmerka cooljazz saman med Inderbergs dadaistiske og kreative humor, så er det i Osasalen du skal innfinna deg denne kvelden.

I 2022 kom denne trioen ut med plata Radio Inderberg. Den mørke barytonsaksofonen som har ein gjenkjenneleg, levd tone med både alvor og glimt i auget, syng godt over heile denne plata.

I våre øyre er dette det perfekte bandet for veteranen Inderberg. For det første strålar det av varme og glede i samspelet, og alle er med på leiken frå folketonar til amerikansk cooljazz med sidesprang. Musikken og låtane er tidlause, men kompet er moderne og trommeslagar Håkon Mjåset Johansen spelar utroleg fint på denne vellykka plata. Trygve Fiske har i tillegg til nydeleg basspel skreve fleire av låtane, som er sorgmuntre og vakre med klassisk klang som samtidig bringer jazzhistoria vidare. Og når me i tillegg får Inderbergs humor mellom låtane, kan med garantera for ein stor kveld i Osasalen.