AKI TAKASE TRIO + JO ASGEIR LIE "Tonar til fjell"

Sesongens fyrste samarbeidskonsert mellom Osascena og Voss jazzklubb, med støtte frå Karen og Lars Helgeland minnefond, byr på ein forrykande kveld med spanande musikk i fleire tradisjonar.

Den verdskjende, japanske pianisten AKI TAKASE kjem til Voss saman med den tyske bassisten MIKE MAJKOWSKI og Stavanger-trommeslagaren DAG MAGNUS NARVESEN i ein forrykande konsert som tek utgangspunkt i Takases komposisjonar, men kor alt er lovleg.

Trioen gjer dobbeltkonsert saman med trekkspelaren JO ASGEIR LIE, og framføringa av hans verk «Tonar til fjell», som vert framført av komponisten sjølv på akkordeon og trekkspel, Marius Westling – fiolin, Sander Tingstad – fiolin, Bjørn Kåre Odde – bratsj og Maja Barrat Due – cello.

Ein spanande blanding av frittgåande jazz og ny musikk i dei klassiske og folkemusikkaktige tradisjonane.

Konserten er støtta av Karen og Lars Helgeland minnefond